21.02.2022.    Мадæлон æвзаджы æппæтдунеон бæрæгбоны фæдыл 2-æм астæуккаг скъолайы арæзт æрцыд цымыдисаг мадзал - брейн- ринг "Уарзут мадæлон æвзаг." Интеллектуалон хъазты архайдтой 8 ама 9 кълæсты ахуырдзаутæ. Уыдон сæ зонындзинадтæ равдыстой 3 номинацийы: бæстæзонынад, грамматикæ, аивад æмæ литературæ. Ерысы уæлахиздзаутæ систы 8- къласы ахуырдзаутæ.Мадзал бацæттæ кодтам ирон æвзаджы ахуыргæнджытымæ.

2 -ам астæуккаг скъолайы стыр æргом здахынц ирон æгъдау æмæ традицион культурæмæ. Уыдон ахъаззаг мадзал сты сывæллæтты хъомылады. Скъолайæн фидар бастдзинад ис районы культурæйы галуан æмæ центрон библиотекæйы кусджытимæ. Æрæджы дæр та не скъоладзаутæн æхсызгон фембалд уыдис культурæйы галуаны кусæг Хетæгкаты Аллæимæ. Тагъд Урсы къуыри кæй райдайдзæн, уый фæдыл уыди Аллæйы раныхас. Уый æрбахаста йæхи конд дзыкка æмæ скъоладзаутæн радзырдта, куыд кæнгæ у, уый. Скъоладзаутæн цымыдисаг уыд  бæрæгбоны мидисы тыххæй хабæрттæм байхъусын.